Ulttyq Olımpıada komıtetiniń prezıdenti Gennadıı Golovkın bokstan Qazaqstan quramasynyń ókili Nazym Qyzaıbaıdy 2024 jyly Parıjde ótip jatqan Olımpıada oıyndarynda qola júldeger atanýymen quttyqtady, dep habarlaıdy Egemen.kz.
«Nazymdy Olımpıada oıyndarynyń qola medalimen quttyqtaımyn! Nazym uzaq jyldar boıy elimizdegi áıelder boksynyń jarqyn ókili ári komandanyń kóshbasshysy bolyp keledi. О́ziniń alǵashqy Olımpıadasyna qatysqanyna qaramastan, ol álemdegi eń myqty sportshylardyń qatarynan ekenin taǵy bir dáleldedi. Sizdiń bul jetistigińiz kóptegen jas atletke jiger syılap, eńbek pen tózimniń aqtalatynyna shynaıy úlgi bolsyn dep tileımin. Qazaqstan Ulttyq Olımpıadalyq komıtetiniń atynan Nazym men onyń bapkeri Dolkýnjan Kamekovty jáne barsha qazaqstandyqtardy Olımpıada medalimen quttyqtaımyn!», dedi Gennadıı Golovkın
Eske salaıyq, Nazym Qyzaıbaı 50 keli salmaqta jartylaı fınalda qytaılyq Vý Iýǵa ese jiberip, qola júldege ıe boldy.