Bul týraly Memleket basshysy Qasym-Jomart Toqaev «Egemen Qazaqstan» gazetinde jarııalanǵan «Ortalyq Azııa renessansy: ornyqty damý jáne órkendeý joly» atty maqalasynda atap ótti, dep jazady Egemen.kz.
«Kópjaqty yqpaldastyqtyń berik ekonomıkalyq negizin qalyptastyrý máselesi bizdiń elderimizdiń aınymas mindeti bolyp qala beretini sózsiz. О́ńirdegi memleketterdiń birlesken kúsh-jigeri men qýatty ekonomıkalyq áleýetiniń arqasynda Ortalyq Azııa aýmaǵy saýda, ınvestısııa, ǵylym jáne ınnovasııa salasynda zor múmkindikteri bar keńistikke aınalyp otyr.
Elderimizdiń jalpy aýmaǵy – 3 882 000 sharshy shaqyrym, halqynyń sany 80 mıllıonnan asady, al ishki jalpy ónimi 450 mıllıard dollarǵa jýyqtaıdy. Álemdegi ýran qorynyń shamamen 20, munaıdyń 17,2, tabıǵı gazdyń 7 paıyzy – bizdiń aımaqtyń enshisinde. Ortalyq Azııa kómir óndirýden álemde 10-shy, elektr energııasyn óndirýden 19-orynda tur», dep jazdy Prezıdent.
Memleket basshysynyń aıtýynsha, bizdiń ekonomıkalarymyz birin-biri tolyqtyryp otyrady. Bul jaǵdaı elderimizdiń syrtqy faktorlarǵa laıyqty tótep berýin qamtamasyz etip, saýda-óndiris salasyndaǵy sıklderdi ártaraptandyrýǵa múmkindik beredi. Birlesken ekonomıkalyq jobalardy tıimdi iske asyrý osy úderiske oń yqpal ete alady.
«Ekonomıkalarymyzdy tehnologııalyq jaǵynan damytý – mańyzdy mindet. Biz tabıǵı resýrstarǵa táýeldilikten birtindep arylýymyz qajet. Osy rette medıa, kıno, mýzyka, dızaın, bilim berý jáne aqparattyq tehnologııalar salasyn qamtıtyn kreatıvti ındýstrııa men sıfrlandyrý isi ekonomıkaǵa tyń serpin beretin kúshke aınala alady. О́ńir elderiniń osy baǵytta birlesken jobalar ázirleýge áleýeti de jetedi», dep jazylǵan maqalada.
Sondaı-aq sıfrlyq jáne kreatıvti ındýstrııanyń jappaı qarqyn alýy shıkizatqa súıengen ekonomıkadan zııatkerlik sıpattaǵy óndiriske dáıekti túrde kóshýge yqpal etetin bolady.
«Ortalyq Azııanyń yqpaldastyǵy bizdiń elderimizdiń ulttyq ekonomıkalyq ósiminiń basty sebepshisi bolmaǵanymen, onyń negizgi qaınar kóziniń biri bola alatynyna senimdimin», dedi Q.Toqaev.