Memleket basshysy Qasym-Jomart Toqaev Joldaýynda buqaralyq sportty damytýdyń mańyzdy ekenin basa aıtty. О́ıtkeni deni saý urpaq ósirýdiń tıimdi joly – buqaralyq sportty ilgeriletý.
Osy oraıda Atyraý oblysynda birneshe sport alańyn paıdalanýǵa berý kózdelip otyr. Atyraý qalalyq qurylys bólimi jobalaý-smetalyq qujattama sektorynyń meńgerýshisi Arman Abdolovtyń aıtýynsha, Damby, Talqaırań, Almaly eldi mekenderinde sport jáne oıyn alańdary paıdalanýǵa berilgen. Endi Geolog, Balaýsa, Elshibek, Saryqamys, Baıtaq, О́rken, Jeruıyq, Birlik, Saryózek, Kókarna shaǵyn aýdandarynda sport jáne oıyn alańdaryn salý josparlanypty. Bul nysandardyń qurylysy jaqynda bastalady.
«Qazir atalǵan nysandardyń jobalaý-smetalyq qujattamasy jasaldy. Konkýrs ótkizilip, qurylysty júrgizetin bes merdiger mekeme anyqtaldy. Atalǵan shaǵyn aýdandarda fýtbol, basketbol, vorkaýt alańdary salynady. Vandalızmniń aldyn alý úshin qurylysqa joǵary sapaly materıaldar paıdalanylady. Josparǵa sáıkes bul alańdar qazanda qoldanysqa beriledi», dedi A.Abdolov.
О́ńirdiń birneshe aýdanynda osyndaı nysandardyń qurylysy qolǵa alynǵan. Máselen, Inder aýdandyq qurylys bóliminiń basshysy Daryn Ilııasovtyń deregine súıensek, jańadan 6 sport alańynyń qurylysy bastaldy. Ony jyl sońyna deıin paıdalanýǵa berý josparlanyp otyr.
«Inderbor kentindegi Kóktem jáne M.Áýezov atyndaǵy orta mekteptiń aýlasynda sport alańdary salynyp jatyr. Joba boıynsha onda shaǵyn fýtbol, basketbol jáne voleıbol alańdary, vorkaýt pen jattyǵý alańy qarastyryldy. Alańdarǵa jaryq júıesi júrgizilip, arnaıy beınebaqylaý kameralary ornatylady. Mundaı alańdardyń qurylysy Eltaı, Kóktoǵaı, Aqqala, Qurylys aýyldarynda salynyp jatyr», deıdi D.Ilııasov.
Al Qyzylqoǵa aýdanynyń ákimi Qanat Ázmuhanovtyń aıtýynsha, keıingi jyldary buqaralyq sportty damytý baǵytynda júıeli jumystar júrgizilip keledi. Bıyl bul aýdanda 11 sport alańy paıdalanýǵa beriledi. Máselen, Qarabaý, Kózdiǵara, Oıyl, Jambyl, Tasshaǵyl, Taısoıǵan aýyldarynda salynyp jatqan sport alańdarynyń qurylysy jyl sońyna deıin aıaqtalady. Al Mııaly aýlynda – 3, Saǵyz aýylynda 2 jańa sport alańynyń qurylysy bastalady.
«Aýdanda keıingi jyldary buqaralyq sportty damytý baǵytynda júıeli jumystar júrgizilip, jańa sport alańdary kóptep salýdy qolǵa aldyq. Sport alańdarynyń jobasynda fýtbol, jattyǵý alańdary, balalar oıyn alańy, demalys oryndaryn salý qaralǵan», deıdi Q.Ázmuhanov.
Maqat aýdandyq qurylys bóliminiń basshysy Ábilqaıyr Qadyrovtyń pikirinshe, jas býynnyń densaýlyǵyn jaqsartýǵa septigi tıetin alańdardy kóbeıtý josparlanypty. Bıyl Báıgetóbe jáne №402 temirjol beketinde oıyn alańdary ashylypty. Endi taǵy da 8 oıyn alańy paıdalanýǵa beriledi.
Onyń málimetinshe, qazir Dossor kentinde balalarǵa arnalǵan oıyn jáne ámbebap sporttyq oıyndar alańdary salynyp jatyr. Sondaı-aq Báıgetóbe aýlynda 4 oıyn alańy, Maqat kentinde oıyn jáne sport alańynyń qurylysy qolǵa alynyp otyr. Bul alańdar josparǵa sáıkes tamyz aıynyń aıaǵynda qoldanysqa beriledi. Al Maqat kentinde úsh oıyn jáne sport alańyn salý úshin merdiger mekemeler anyqtalǵan. Qazir kelisimshart jasalyp jatyr. Sondaı-aq taǵy eki alań salý maqsatynda konkýrs jarııalandy.
«Sport alańdarynyń jobasy ártúrli nusqada jasaldy. Negizinen balalarǵa arnalǵan oıyn, sportpen shuǵyldanýǵa arnalǵan qurylǵylarmen jabdyqtalǵan alańdar bolady. Fýtbol alańdary men demalys oryndary bar. Keıbir úlken alańdarda kelýshilerge arnalǵan avtoturaq qarastyryldy», dep habarlady Á.Qadyrov.
Isataı aýdanyndaǵy H.Erǵalıev aýlynda 50 oryndyq sport kesheni salynyp jatyr. Qamysqala aýyldyq okrýginiń ákimi Rafıǵat Tajıdenovanyń deregine qaraǵanda, keshenniń aýmaǵy 800 metrden asady. 4 myńnan asa turǵyn tirkelgen aýyl balalary atalǵan nysanda sporttyń birneshe túrimen shuǵyldanýǵa múmkindik bar. О́ıtkeni nysanda balalar qyzyǵatyn shaǵyn fýtbol, voleıbol, boks, kúres jáne jattyǵý zaly bolady. Sondaı-aq keshen aýlasynda basketbol alańy qarastyrylyp otyr.
«Jobanyń quny – 395 mln 500 myń teńge. Aýyl turǵyndary, ásirese balalar men jastar osyndaı deneshynyqtyrý-saýyqtyrý keshenin kópten kútip júr. Bul keshen aýyl turǵyndarynyń suranysymen salynyp jatyr. Endi turǵyndardyń salamatty ómir saltyn ustanýyna zor múmkindik jasalǵaly otyr», dedi R.Tajıdenova.
Degenmen keshen qurylysynda azdaǵan kesheýildeý bar. О́ıtkeni kóktemde tabıǵı sıpattaǵy tótenshe jaǵdaıdyń jarııalanýyna baılanysty jumys toqtap qalǵan. Qazir qurylys jumysy qaıta qarqyn aldy. Merdigerlikke tańdalǵan HCK MBM Construction JShS atalǵan nysannyń qurylysyn qyrkúıek aıynda aıaqtaýdy josparlap otyr.
Atyraý oblysy