ASTANA. 27 sáýir. Qazaqstannyń is basyndaǵy Prezıdenti, «Nur Otan» partııasynyń Tóraǵasy Nursultan Nazarbaev Qazaqstan prezıdentiniń kezekten tys saılaýynda aıtarlyqtaı basymdyqpen jeńiske jetti. Bul týraly TASS tilshisi habarlady.
«Buǵan saılaý ýchaskelerinde júrgizilgen saýaldama barysy aıǵaq bolyp otyr», - delingen habarlamada.
«Demokratııa ınstıtýty» ǵylymı-zertteý assosıasııasy» qoǵamdyq birlestigi júrgizgen ekzıt-poldyń nátıjeleri boıynsha, Nursultan Nazarbaev úshin saılaý ýchaskelerine kelgen saılaýshylardyń 97,5 paıyzy daýys bergen.
Saılaýdaǵy ekinshi kandıdat – Qazaqstan halyqtyq kommýnıstik partııasynyń ókili Turǵyn Syzdyqov 1,87 paıyz daýys alǵan. Úshinshi kandıdat – ózin ózi usynýshy, Qazaqstan Kásipodaǵy federasııasynyń tóraǵasy Ábilǵazy Qusaıynov úshin elektorattyń 0,63 paıyzy óz daýystaryn bergen.
Ekzıt-poll osyndaı nátıjeler kórsetip otyr.
Ortalyq saılaý komıssııasynyń prezıdent saılaýynyń qorytyndylary týraly aldyn ala málimeti 27 sáýir kúni jarııalanady.
Qurysh Nurymbet.
Derek, sýret: TASS.