Qorǵanys mınıstrligi Qazaqstannyń áskerı-tehnıkalyq oqý oryndaryndaǵy oqý qunyn eń tómengi eseptik kórsetkishke teńestirmek. "Ashyq normatıvtik quqyqtyq aktiler" portalynda vedomstvo basshysy Rýslan Jaqsylyqovtyń buıryǵy jarııalandy. Ol qoldaý tapsa, oqytý baǵasy 369 200 teńgege deıin kóteriledi, dep habarlaıdy Egemen.kz.
Qujatqa sáıkes, qazaqstandyqtardy áskerı-tehnıkalyq jáne basqa da áskerı mamandyqtarda oqytý quny 100 AEK (2024 jyly – 369 200 teńge) bolady.
- Qorǵanys mınıstrliginiń Áskerı-tehnıkalyq ýchılıshesi" memlekettik qazynalyq kásiporny óndiretin taýarlardyń (jumystardyń, kórsetiletin qyzmetterdiń) baǵasy aılyq eseptik kórsetkish (jumys, kórsetiletin qyzmet) bekitilgennen keıin jyl saıyn ýákiletti organ bekitetin esep boıynsha qalyptastyrylady), – delingen qujatta.
Buıryq jobasyn talqylaý 23 tamyzǵa deıin jalǵasady.
Qorǵanys mınıstrliginiń Áskerı-tehnıkalyq ýchılıshesi" memlekettik qazynalyq kásiporny Almaty, Taldyqorǵan, Taraz, Shymkent, Qyzylorda, Semeı, О́skemen, Pavlodar, Aqtóbe, Atyraý, Oral, Qaraǵandy, Kókshetaý qalalarynda ornalasqan 13 fılıaldan turady.
Qazirgi ýaqytta oqý quny – 305 myń teńge.
Eske salaıyq, buǵan deın Qorǵanys mınıstrligi 2024 jyly eki ese kóp qazaqstandyqtardy áskerı daıyndyqqa shaqyratynyn habarlaǵan edi. Bul Qazaqstandaǵy áskerı bólimderdiń jaýyngerlik ázirligin arttyrý jáne áskerı daıyndyqtan ótken rezervti jınaqtaý úshin qajet.
О́tken jyly áskerı daıyndyqqa 1,5 myń adam qatysty – 189 ofıser, 275 serjant jáne 1036 sarbaz. Olar Almaty, Almaty jáne Jambyl oblystarynan shaqyryldy.