Túrkistan oblysynda adam saýdasymen aınalysqan azamat ustaldy, dep habarlaıdy Egemen.kz.
«Jedel izdestirý sharalary barysynda «Sh» esimdi azamat adam saýdasy úshin 400 myń teńge alyp jatqan jerinde ustaldy. Ol eki múgedek azamatty 2 jyl qaıyr suraýǵa májbúrlegen. Sondaı-aq ol osy adamdardy Shymkent qalasynda satyp jatqan jerinde ustalyp, qamaýǵa alyndy», dep habarlady Túrkistan oblysynyń prokýratýrasy.
Sondaı-aq taǵy 10 azamattyń adam saýdasyna qatysy bar-joǵy tekserilip jatyr.
Búginde adam saýdasy faktisi boıynsha tergep-tekserý júrip jatyr, ózge aqparat QPK 201-babynyń talaptaryna saı jarııalanbaıdy.