Astananyń jańa Bas josparyna saı 2035 jylǵa deıin 430-dan astam áleýmettik nysan boı kóteredi. Onyń ishinde 164 nysan – mektep. Bul týraly elorda ákimi Jeńis Qasymbek áleýmettik jelidegi paraqshasynda habarlady, dep jazady Egemen.kz.
Qazirgi ýaqytta qalada 100 myńǵa jýyq oqýshyǵa (eki aýysymdy) arnalǵan 30-dan astam mekteptiń qurylysy júrip jatyr. Jańa oqý jyly ishinde 23 mektep salynady.
«Qalany aralaý barysynda aldaǵy oqý jylynyń basynda ashylatyn mektepterdiń qurylysymen tanystym. 8 jaıly mektep myna mekenjaılarda ornalasqan: Saryarqa aýdany, Ulytaý men Naýryz kósheleriniń qıylysynda jáne Beıbarys Sultan kóshesinde;- Nura aýdany, Tóle bı kóshesi men 24 kósheniń qıylysynda;- Esil aýdany, Qabanbaı batyr dańǵyly men Syǵanaq kóshesiniń qıylysynda;- Nura aýdany, Tóle bı, 31 kóshelerinde, Máńgilik el dańǵyly men E-497 kóshesiniń qıylysynda, Orynbor men №37 kósheleriniń qıylysynda;- Almaty aýdany, A.Baıtursynuly kóshesinde», dep jazdy Astana qalasynyń ákimi.
Sondaı-aq, oqý jylynyń basynda joǵaryda atalǵan oqý oryndarynan bólek 3 memlekettik jáne bir jeke mektep ashý josparlanǵan. Al jyl sońyna deıin taǵy 7 jaıly mektep, 2 memlekettik mektep jáne 2 jekemenshik mektep ashý kózdelgen.