Qazaqstan boks federasııasy Olımpıada oıyndarynan soń birqatar qyzmetkeriniń jumystan bosatylǵanyn joqqa shyǵardy, dep habarlaıdy Egemen.kz.
Federasııanyń resmı paraqshasynan óshirilgen jazbada jumystan bosatylǵandar tizimin Qazaqstan boks federasııasynyń vıse-prezıdenti Ázız Qojambetov bastap turǵan edi.
Sondaı-aq bas bapker Myrzaǵalı Aıtjanov, aǵa jattyqtyrýshy Marat Jaqıev jáne ózge de jattyqtyrýshylar - Nurken Andasov, Nurjan Nasanov, Ǵanıı Ashkeev, Ermek Ersaev, Talǵatbek Jaqpekov, Zakır Safıýlın, Azamat Maqajanov, Jamıl Júsip pen keńesshi jattyqtyrýshy Donatas Iаnýsevıchýs boldy.
Federasııadaǵylar qyzmetkerlerdiń eshqaısysy bosatylmaǵanyn, biraq ózgerister bolatynyn málimdedi.
- Aqparat shyndyqqa janaspaıdy. Jumystan eshkim bosatylǵan joq. О́zgerister josparlanýda. Resmı derekkózderde habarlaımyz, - delingen federasııa jaýabynda.
Buǵan deıin Boks federasııasynyń prezıdenti Shahmurat Mútálip te reformalar týraly aıtqan. Ol Olımpıada oıyndary quramada qatelikter men kemshilikter baryn kórsetti degendi alǵa tartty.
Foto: sport.kz