Aqtóbe qalasynyń №2 sotynda asa iri kólemdegi alaıaqtyq jasaǵany úshin aıyptalǵan azamatsha O.-ǵa qatysty qylmystyq is qaraldy. QR Qylmystyq kodeksiniń 190-babynyń 4-bóliginiń 2-tarmaǵyna sáıkes, ol 17 jábirlenýshiniń 314 mıllıon teńgeden astam qarajatyn zańsyz ıemdengen dep tanyldy, dep habarlaıdy Egemen.kz oblystyq sottyń baspasóz qyzmetine silteme jasap.
Sottyń anyqtaýy boıynsha, aıyptalýshy O. tanysy arqyly páterlerdiń naryqtyq baǵadan tómen satylyp jatqandyǵy týraly aqparat taratqan. Ol jábirlenýshilerge páterlerge tyıym salýdy alyp tastaý týraly jalǵan sot sheshimderin, zańdy kúshi joq qujattardy, kepildik hattar men satyp-alý-satý sharttaryn kórsetken.
Sotta O. óz kinásin tolyq moıyndap, jábirlenýshilerge keltirilgen zalaldy óteýge ýáde berip, bas bostandyǵynan aıyrmaýdy surady. Jábirlenýshiler de sottalýshyǵa bas bostandyǵynan aıyrý jazasyn taǵaıyndamaýdy ótindi.
«Sottalýshynyń 4 jas balasy bar ekenin jáne ókinýin eskere otyryp, sot oǵan 6 jyl merzimge bas bostandyǵynan aıyrý jazasyn taǵaıyndady. Sonymen qatar, jábirlenýshilerdiń jalpy somasy 291 mıllıon teńgeni quraıtyn azamattyq talaby qanaǵattandyryldy. Zalaldy óteý úshin sottalǵan azamatshaǵa tıesili avtokólik, jer ýchaskesi jáne banktik esep shottary tárkilendi», - delingen habarlamada.
Úkim zańdy kúshine engen joq.