Ǵylym jáne joǵary bilim mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip elimizdiń sıfrlyq ǵylymı portalyn iske qosty.
Sıfrlyq ǵylymı portal «Ulttyq ınnovasııalyq júıeniń biryńǵaı terezesi» aqparattyq júıesi negizinde ázirlendi. Ony qurý úshin memlekettik organdardyń, ǵylymı-zertteý ınstıtýttary men ýnıversıtetterdiń ókilderin qamtıtyn arnaıy top quryldy.
Portal paıdalanýshylarǵa ǵylymı konferensııalardy, semınarlar men forýmdardy izdeýdi jáne olarǵa qatysýdy jeńildetetin «Is-sharalar» modýlin usynady. Árbir paıdalanýshy ózin qyzyqtyratyn is-sharany taýyp, qatysýǵa ótinim bere alady, al uıymdastyrýshylar jumystaryn jarııalap, ótinimderdi qabyldaıdy. Portaldyń «Ǵylymı jarııalanymdar» sanatynda ǵylymı zertteýler jarııalaýǵa, ǵylymı is-sharalar uıymdastyrýǵa, sondaı-aq saraptamalyq aqparatqa qol jetkizýge bolady. Al «E-labs laboratorııalar bazasy» zerthanalar, jabdyqtar jáne ǵylymı uıymdar týraly aqparat usynady. Ǵylymı uıymnyń ókilderi portalǵa tirkelip, óz zerthanalary týraly aqparatty «astanahub.com» siltemesi boıynsha engizedi. Bul ǵylymı resýrstardy tıimdi kórsetýge, jańa seriktester tartýǵa jáne kásibı baılanystar jelisin keńeıtýge úlken septigin tıgizedi.