«Semeı ormany» memlekettik orman tabıǵı rezervatynda 5 jerden shyqqan órt aýyzdyqtaldy, dep habarlaıdy Egemen.kz.
Sońǵy kúnderi «Semeı ormany» memlekettik orman tabıǵı rezervatynda órt oqıǵalary jıilep ketti. 17 tamyz kúni 5 jerge qyzyl jalyn jaıylǵan.
«Ár jerge órt sóndirý beketiniń qyzmetkerleri shuǵyl jetip, tilsiz jaýmen kúreske tústi. Der kezinde qabyldanǵan sharalardyń arqasynda barlyq jerdegi órt sóndirildi. Anyqtalǵandaı, 5 jerde de ottyń shyǵýyna – naızaǵaı sebep bolǵan», - delingen «Semeı ormany» memlekettik orman tabıǵı rezervatynan taratqan aqparatta.
Eske salsaq, 15 tamyz saǵat 18:00-den 16 tamyz 13:00-ge deıin atalǵan orman qory aýmaǵynda shyqqan 18 órt aýyzdyqtalǵan bolatyn.