Almaty qalalyq sotymen Qyzylorda oblysy boıynsha Ekonomıkalyq tergeý departamenti basshysynyń burynǵy orynbasary A. Qasymbaev pen kásipker J. Sákenov sottaldy. Bul týraly Sybaılas jemqorlyqqa qarsy is-qımyl agentiginiń baspasóz qyzmeti habarlady, dep jazady Egemen.kz.
Olar alaıaqtyqqa oqtalǵany jáne Almaty qalasy kásiporyndarynyń biriniń dırektorynyń qylmystyq isin toqtatý úshin quqyq qorǵaý organdarynyń qyzmetkerlerine 10 mln teńge somasynda para berýge ıtermelegeni úshin kináli dep tanyldy.
«Sot úkimimen Qasymbaev pen Sákenov memlekettik organdar men kvazımemlekettik sektor sýbektilerinde qyzmet atqarý quqyǵynan ómir boıyna aıyryla otyryp, 7 jylǵa bas bostandyǵynan aıyryldy», delingen habarlamada.
Sot úkimi zańdy kúshine endi.