18 tamyz kúni Qostanaı oblysynyń B.Maılın aýdany, Kozyrevka aýylynda bir eresek er adam men 8 jastaǵy bala abaısyzda Tobyl ózenine túsip ketken, dep habarlaıdy Egemen.kz.
Er adam ózennen ózi shyqqanymen, 8 jastaǵy búldirshindi aǵys alyp ketken.
«Qostanaı oblysynyń TJD qutqarýshylary 8 jastaǵy balanyń máıitin Tobyl ózeninen taýyp, alyp shyqty. Izdeý jumystary bes kún boıy júrgizildi», dedi B.Maılın aýdanynyń Tótenshe jaǵdaılar jónindegi bólim basshysy Dmıtrıı Jdanov.
Balany izdeýge TJM qutqarýshylary, polısııa, jergilikti atqarýshy organdar, eriktiler tartylǵan. Sondaı-aq júzý jáne ushý apparattary qoldanylǵan.