Osydan on jyl buryn bastaý alǵan Ulttyq «Mereıli otbasy» baıqaýy búginde dástúrge aınaldy. Aýdan, qalalardan bastalatyn irikteýge qatysýshy otbasylardyń jylda-jylǵa kóbeıe túskeni baıqaýdyń kópshilik arasyndaǵy abyroı, bedelin aıǵaqtaıdy, Ulytaý oblysynda bıylǵy baıqaýda 30-dan asa otbasy baq synady.
«Bıylǵy qatysýshylar qataryn kórip, kóńilim tolyp tur. Buryn munshalyq kóp bolmaıtyn. Ulttyq salt-dástúrdi nasıhattaýda bul baıqaýdyń orny bólek», deıdi oblystyq Ardagerler keńesiniń tóraǵasy Saǵyndyq Qojamseıitov.
Árıne, ár otbasynyń ózindik ereksheligi bar. Jarysqanda júırikten júırik ozatynyn babalarymyz burynnan-aq aıtyp ketken.
Baıqaýdyń oblystyq deńgeıinde «Úlgili otbasy» atalymyna Jezqazǵan qalasynyń turǵyny Hamzahan Aıtmuhanovtyń otbasy laıyq boldy. Atalǵan otbasynyń shańyraq kótergenderine ótken jyly jarty ǵasyr tolǵan eken.
«Berekeli shańyraq» atalymyn ıelengen Erlan Syzdyqovtyń otbasy Sátbaev qalasynda turady. Bul shańyraqtyń balalary ónerge, sportqa jaqyn. Olardyń keıbiri respýblıkalyq jarystardyń jeńimpazy atanyp, oblystyń ataǵyn aspandatyp júr.
Baıqaý barysynda «Belsendi otbasy» atalymyn Qarajal qalasynan qatysqan Náýkenovter jeńip alsa, «О́nerli otbasy» atalymyna jańaarqalyq Aıtjanovtar otbasy laıyq dep tanyldy.
Ulytaý aýdanynan kelgen Qydyrpatshaevtar áýleti «Mereıli otbasy» ulttyq konkýrsynyń laýreaty» ataǵyna ıe bolyp, Astana qalasynda ótetin respýblıkalyq marapattaýǵa qatysatyn boldy.
Ulytaý oblysy