1 qyrkúıekten bastap Almatyda kommýnaldyq tólem quny qymbattaıdy. Sýyq sý baǵasy 66 teńgege jetse, jylý quny 6 paıyzǵa ósedi. Bul týraly sala mamandary ótkizgen basqosýda belgili boldy, dep habarlady Egemen.kz.
Tarıf qunynyń ósýi qaladaǵy jylý jelileriniń – 57,9, sý jelisiniń – 54,3 káriz jelisiniń – 57 paıyzǵa tozýymen baılanysty bolyp otyr. Mamandar baǵa kóterilse, sý men jylý jelileriniń tozýyn 3 paıyzǵa, qalǵan ınjenerlik jelilerdiń tozý deńgeıin 1,2 paıyzǵa tómendetýge bolatynyn aıtty.
- 2025 jyly sý jelileriniń kem degende 104, sondaı-aq jylý jelisiniń 39 jáne elektr jelisiniń 120 shaqyrymyn jóndemekpiz. Qalalyq kommýnaldyq kásiporyn qyzmetkerleriniń eńbekaqysyn kóterip, bilikti mamandar qataryn ulǵaıtýymyz kerek, – dedi Energetıka jáne sýmen jabdyqtaý basqarmasy basshysynyń orynbasary Nurbaqyt Serikbaı.
Al shahardyń jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov kommýnaldyq qyzmetterdiń ósýine baılanysty 2023 jyldan beri áleýmettik osal toptyń qataryndaǵy adamdarǵa ótemaqy berilip kelgenin atap ótti. 0,8 aılyq eseptik kórsetkish mólsherindegi áleýmettik tólemdi 140 myńnan astam azamat alǵan.
- О́temaqyny alyp jatqan azamattarǵa qujat ótkizý qajetemes. Al jańadan qosylǵan almatylyqtar aýdan ákimdikterine baryp, qosymsha algortım boıynsha qujattaryn tapsyrady, ótinim beredi, – dedi Baýyrjan Jaýbasov.