2-13 qyrkúıek aralyǵynda Jambyl oblysynyń «Mátibulaq» oqý polıgony bazasynda «Aıbalta-2024» jedel-taktıkalyq komandalyq-shtabtyq oqý-jattyǵýy ótedi. Bul týraly Qorǵanys mınıstrligi habarlady, dep jazady Egemen.kz.
Jaýyngerlik daıyndyq Abaı, Almaty, Jambyl, Shyǵys Qazaqstan, Jetisý oblystarynyń aýmaǵy boıynsha kúshter men áskerı tehnıkalyq quraldarynyń qozǵalysymen jalǵasady. Iаǵnı, kúshter men tehnıka oqý-jaýyngerlik mindetterdi pysyqtaý maqsatynda bıylǵy jyldyń 26 tamyzynan bastap bólimsheler temirjol jáne avtokólik jolymen marsh jasaıdy. Sodan keıin turaqty ornalasý pýnktterine keri oralady.
«Kórsetilgen ýaqyt kezeńinde elimizdiń jekelegen aýdandarynda shekteý sharalary engizilýi múmkin. Osyǵan baılanysty el turǵyndarynan qaýesetke kóńil aýdarmaı, tek resmı aqparat kózderine senýdi suraımyz», delingen Qorǵanys mınıstrliginiń habarlamasynda.