Astanada Trıatlon saıabaǵyndaǵy kópirdiń astynda jańa mural salyndy. Dúnıejúzilik kóshpeliler oıyndarynyń dúbiri jaqyndap qalǵanyn áıgileıtin muralda jamby atýshy mergen beınelengen.
Bıiktigi 4 metr mural ulttyq oıyndar dodasynan habardar etip qana qoımaı, kóshpelilerdiń kúshi men dáldiginiń rámizine de aınalmaq. Elordada buǵan deıin de aıtýly alamannyń dańqyn asyratyn mural kópqabatty turǵyn úıdiń qabyrǵasyna bederlengen edi.
Dúnıejúzilik kóshpeliler oıyndary – ulttyq sport túrlerine arnalǵan halyqaralyq doda. Mádenı murany nasıhattap, kóshpeli ómir rýhynan syr shertip, halyqtyq oıyndardy áıgileıtin etnosport alamanynyń aýqymy jyldan-jylǵa keńeıip keledi.