Qazaqstanda 115 myńǵa jýyq bala «Balaqaılar mektebi» baǵdarlamasy boıynsha mektepaldy daıyndyqtan ótti. Bul týraly Oqý-aǵartý mınıstrligi málim etti, dep jazady Egemen.kz.
Baǵdarlama bıyl mektep tabaldyryǵyn alǵash attaıtyn 1- synyp oqýshylaryn birdeı mektepke beıimdeý, bilim alýǵa darıarlaýdy kózdeıdi. Sondaı-aq mektepke deıingi bilim berý men bastaýysh mektep arasyndaǵy sabaqtastyqty jalǵaıdy.
«Balaqaılar mektebi» baǵdarlamasy memlekettik jalpyǵa mindetti mektepke deıingi tárbıe men bilim berý standartyna sáıkes ázirlengen.«Jazǵy kezeńde mektepaldy daıyndyqtan 115 myńǵa jýyq bala ótip, 2,9 myń mekteptiń 5,1 myń bastaýysh synyp muǵalimi men mektepaldy daıarlyq pedagogteriniń qatysýymen oqytý uıymdastyryldy. Oqytý barysynda balalardyń fızıkalyq, kommýnıkatıvtik, ıntellektýaldyq, shyǵarmashylyq jáne áleýmettik-emosıonaldyq daǵdylary, sondaı-aq mektepke oń kózqarasyn damytýǵa basymdyq berildi», dedi Mektepke deıingi bilim berý departamentiniń dırektory Manar Adamova.Mektepaldy daıyndyq baǵdarlamasy 1 aıǵa arnalǵan. Osy kezeńdegi bilim berý prosesin bilikti bastaýysh synyp muǵalimderi nemese mektepaldy daıarlyq pedagogteri júrgizdi.