26-28 tamyz aralyǵynda ońtústik megapolıste «Quqyqtyq tártip» is-sharasy ótti. Is-sharanyń alǵashqy kúni elimizdiń kóshi-qon tártibin buzǵan 117 sheteldik anyqtaldy, dep jazady Egemen.kz.
Olardyń kópshiligi jeke qurylysta jáne qurylys nysandarynda jumys istegen. 22 shetel azamaty elden shyǵarylsa, 42 adam PD-niń qabyldap-taratýy bólimine jetkizilgen.
«Ustalǵandardyń arasynda jeke basyn kýálandyratyn qujattary bolmaǵan Nıgerııa azamaty da bar. Tártip saqshylary qalada zańsyz turyp jatqan shetel azamattarynyń shoǵyrlanǵan jerlerin, atap aıtqanda qonaq úılerdi, jaldamaly páterlerdi, jataqhanalardy, stıhııalyq eńbek bırjalary men qurylys nysandaryn muqııat tekserip jatyr», dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.