Jyl sońyna deıin 20 mektep ashylady

Partaǵa 308 519 oqýshy otyrady

Bıyl Almatyda 1-sy­nyp­qa 27 490 bala bara­tyny belgili bolyp otyr, bi­raq qabyldaý 31 ta­myzǵa deıin jal­ǵasatyndyqtan, jańadan mektep tabaldyryǵyn attaıtyn­dar sany 28 myńnan asady bolady degen bol­jam bar.

Almatyda jańa oqý jylyna daıyndyq aıaqtalyp keledi. Bıyl 308 519 oqýshy jańa oqý jylyn bastaıdy, bul ótken jylmen salystyrǵanda 8 myńǵa kóp.

«Keıingi 3 jylda alǵash ret birinshi synyp oqýshylary sany­nyń tómendegeni baıqaldy, ótken jylmen salystyrǵanda 4 myń balaǵa az. Jalpy, 30 8519 bala mek­tep partasyna otyrady», dedi Ásem Núsipova.

Sonymen balalar mektepten túgel tabylýy úshin 1 tamyzda jyl saıynǵy «Mektepke jol» respýblıkalyq aksııasy bastalyp, 55 myń teńge kóleminde 12 684 muqtaj bala qarjylaı kómek aldy. Muqtaj otbasynan shyqqan oqýshylarǵa qolushyn berýdi kózdeıtin bul bastama «Jalpyǵa birdeı bilim berý» qorynyń, demeýshiler men mesenattardyń, bıýdjet qarajaty esebinen júzege asady.

Osy oraıda Almaty qalasy ákiminiń orynbasary bıyl jer­gilikti bıýdjetten «Jalpyǵa bir­deı bilim berý qoryna» 1,6 mlrd teńge bólingenin, mektep formasy, sporttyq kıimder men keńse taýarlaryn satyp alýǵa 697 mln teńge qarastyrylǵanyn atap ótti.

«Mektep avtobýsy» jobasy jalǵasady

Sonymen qatar jańa oqý jylynda byltyr 30 memlekettik mek­tepten bastaý alǵan «Mektep avtobýsy» jobasyn júzege asyrý jalǵasady.

«2023 jyly 100 avtobýs satyp alynyp, 8 myńnan astam balany tasyǵan edi. Bıyl 6 myńnan astam balany qamtıtyn 23 mektepke taǵy 100 avtobýs satyp alý jos­parlanyp jatyr. Osylaısha, jańa oqý jylynda 14 myńnan as­tam balany 200 avtobýspen tasymal­daý uıymdastyrylady. Buǵan barlyǵy 2,5 mlrd teńge bólindi», dedi Á.Núsipova.

Jalpy, megapolıstegi mektep avtobýstary jańa oqý jylyn­da 14 myńnan astam balany tasymaldaıdy «Mektep avtobýsy» jobasy Almatyda keńeıe tús­pek. Almaty ákiminiń orynbasary Ásem Núsipova jańa oqý jylynda 200 avtobýs kúndelikti 14 myń­­nan astam oqýshyny tasymal­daıtynyn aıtady. Bul joba byltyr bastalǵan. Ol kezde 6,1 mlrd teń­gege joǵarydaǵy 100 avtobýs satyp alynsa, bıyl 6 myńnan astam bala­ny qamtıtyn 23 mektepke taǵy 100 avtobýs satyp alynyp jatyr. «Bul – balalardyń qaýipsizdigin arttyrýǵa jáne jol keptelisin azaı­týǵa baǵyttalǵan mańyzdy jo­ba», dep atap ótti Á.Núsipova. Bir sózben aıtqanda, balalardy mektepke tasýǵa 2,5 mlrd teńge bólindi.

Mesenattar 5010 balaǵa kómek kórsetti

Áńgime bala, onyń keleshegi men bilimi bolyp turǵanda, oqý­shylardy durys tamaqtandyrý máselesinen attap óte almaımyz.

«Bıyl HÁOT sanatyndaǵy 1-4-sy­­nyptar men 5-11-synyp ba­lalaryn tegin tamaqpen qam­tamasyz etý úshin jergilikti bıýdjette 16,5 mlrd teńge qaras­ty­rylǵan. 133 myńnan astam oqý­­shyny qamtý josparlanǵan. Oqý­shylardyń kúndelikti tamaǵy­nyń baǵasy orta eseppen – 840 teń­ge, bul – elimiz­degi eń joǵary kórset­kish», deıdi qala ákiminiń orynbasary.

Bilim basqarmasynyń máli­metinshe, Almatyda barlyǵy ­337 mektep bar, onyń 215-i memleket­tik jáne 122-si jekemenshik. ­О́tken oqý jylynda olarda ­336 486 bala bilim aldy. Búgingi ­tańda megapolıste mektep formasyn, aıaq­kıimdi, sporttyq kıimdi, keńse taýarlaryn satyp alýǵa 55 myń teńgeden 12 684 muqtaj bala qarjylaı kómek alǵan.

Sonymen qatar demeýshiler men mesenattar tarapynan kó­mek kórsetý boıynsha jumystar júrgizilip jatyr. 1 tamyzda HÁOT sanatyndaǵy balalardy mek­tep formasymen jáne kerek-jaraqtarymen qamtamasyz etý boıynsha dástúrli jyl saıynǵy «Mektepke jol» respýblıka­lyq aksııasy bastaldy. Naýqan 30 qyrkúıekke deıin jalǵasady.Osylaısha, demeýshiler men mesenattar esebinen jalpy somasy 275 mln teńgege 5010 balaǵa kómek kórsetilip otyr. Sol sııaqty Alma­tyda 133 myńnan astam oqý­shy jańa oqý jylynda tegin ta­maq­tanatynyn aıryqsha atap ót­ken jón. Ol úshin jergilikti bıýdjetten 16,5 mlrd teńge bólingen.

«Halyqtyń áleýmettik osal toptarynan shyqqan balalar tegin tamaqtandyrylyp, bul oraı­da 1-11-synyp oqýshylary tú­gel qamtylady», deıdi Á.Núsipova.

Qala ákiminiń orynbasary mektepte teńshelgen tamaq berý máselesi bezbenge salynyp, ósip kele jatqan jetkinshekterdiń densaýlyǵyna paıdalylyǵy qaper­de ustalǵany umyt qalma­ǵanyn atap ótti.

Qurylys jumysy qarqyn aldy

Almatyda jyl sońyna deıin 32,8 myń orny bar 20 jańa mektep paıdalanýǵa berilmek. Bul týraly Almaty qalasy ­Bi­lim basqarmasynyń basshysy ­Saı­­­­­ran Saıfedenov málimdep, ­«Jaı­­­ly mektep» ulttyq jobasyn is­ke asyrý maqsatynda qa­lada 36,8 myń orynǵa shaqtalǵan 22 mek­tep salý josparlanǵanyn atady.

Bıyl jyl sońyna deıin 32,8 myń oryndyq 20 mekteptiń qury­lysyn aıaqtap, paıdalanýǵa berý josparlansa, 4 myń orynǵa eseptelgen qalǵan eki mektep 2025 jy­ly aıaqtalyp, ashylady.

«Samruk-Kazyna Construction» AQ arqyly júrgizilip jatqan 23 100 oryndyq 13 mekteptiń qurylysyna erekshe nazar aýdarylady. Olardyń ishinde 2024 jyldyń 1 qyrkúıegine deıin «Dial-Stroy» shaǵyn aýdanynda 600 oryndyq mektep paıdalanýǵa beriledi. 2024 jyldyń qazan aıyn­da «Terekti» shaǵyn aýda­nynda 2 myń oryndyq mektep ashý kózdelinip otyr», dedi bas­qar­ma basshysy.

Aldaǵy qarashada 4 500 oryn­dyq úsh mektep: Rozybakıev –Levıtan kóshesi boıyndaǵy mek­tep, Raıymbek dańǵyly boıyn­daǵy «Nurly dala» TK aýda­nyndaǵy jáne Aqbulaq shaǵyn aýdanyndaǵy №154 mektep qurylystary aıaqtalady dep kú­tilip otyr.

Jyldyń sońyna deıin 15 myń oryndyq 8 mekteptiń qurylysyn aıaqtaý josparlanǵan. Olardyń arasynda «Qarasý», «Samǵaý», «Shuǵyla», «Quramys» shaǵyn aýdandary, sonymen qatar Egizbaev, Sábdenov kóshelerindegi jáne basqalary bar.

Sondaı-aq 11 700 orynǵa eseptelgen 8 mektep qurylysyn jeke ınvestorlar júrgizip jatyr. Búgingi tańda «Shuǵyla» shaǵyn aýdanynda 1 200 oryndyq bir mekteptiń qurylysy aıaqtaldy. «Alǵabas» shaǵyn aýdanynda 2 myń oryndyq mektep salý memlekettik jekeshe áriptestik sheńberinde josparlansa, bul joba bo­ıynsha jumystar aldaǵy qazan aıynda bastalady. Qurylys 2025 jyldyń jeltoq­sanynda aıaqtalýǵa tıis.

Aǵymdaǵy jóndeý aıasynda, bıyl 180 memlekettik mektep­ke jóndeý jumystaryn jasaý josparlanǵan. Bıylǵy 19 ta­myzdaǵy málimet boıynsha 169 mek­tepte jóndeý jumystary aıaq­talyp, qalǵan 11 mektepte jóndeý jumystaryn 25 tamyzǵa deıin bitirý mejelengen.

Údeden shyqpaǵan úsh nysan

«Qazirgi tańda qaladaǵy 13 mem­­lekettik mektepte kúrdeli jón­­deý jumystary júrgizilip ja­tyr. Onyń ishinde 4 mektepte jóndeý jumystary aıaqtaldy, al qalǵandarynda 2025 jyly aıaqtaý josparlanǵan. О́kinish­ke qaraı, úsh problemalyq nysan bar, bularda jumystar keshik­tirilip, jóndeý jumystary jos­parlanǵan merzim údesinen shy­ǵa almaıtyny kórinip otyr. Olardyń ishinde 2023 jyldyń aqpan aıynda bastalǵan №9 mek­tep jáne 2023 jyldyń qyr­kúıeginde qaıta jóndeý jumys­tary bastalǵan №59 mektep bar», dep atap ótti S.Saıfedenov.

Sondaı-aq jergilikti bıýdjet esebinen árqaısysy 550 oryn­dyq eki mekteptiń qurylysy júrgizilip jatyr. Olardyń birin bıylǵy qyrkúıektiń sońyna qaraı «Saıaly-2» shaǵyn aýdanynda aıaqtaý josparlansa, ekinshi mektep «Zerdeli» shaǵyn aýdanynda boı kóteredi.

ALMATY