Kópbalaly otbasynyń 9 jastaǵy qyzy óz bólmesinde asylyp qalǵan, dep habarlaıdy Egemen.kz Instagram áleýmettik jelisindegi Nayazakokshe paraqshasyna silteme jasap.
«Qyzynyń máıitin ákesi kórip, ózi aýrýhanaǵa aparǵan. Biraq kesh, bala aman qalǵan joq. Úshinshi synypta oqıtyn qyz bala qazan aıynda 10 jasqa tolatyn edi. Balany ólimge ne ıtermelegeni belgisiz», delingen jazbada.
Aqparatqa Aqmola oblystyq polısııa departamentiniń baspasóz qyzmeti túsinikteme berdi.
«Polısııa departamenti bul fakti boıynsha sotqa deıingi tergeý júrgizilip jatqanyn habarlady. QR Qylmystyq-prosestik kodeksiniń 201-babyna sáıkes, ózge málimetter jarııa etýge jatpaıdy», dedi polısııa qyzmetkerleri.