29 tamyz tańǵy saǵat 06:02 shamasynda Aqtaýdaǵy «OTYRAR CITY» turǵyn úı kesheniniń qasbetinen órt shyqty, dep jazady Egemen.kz lada.kz-ke silteme jasap.
Oblystyq Tótenshe jaǵdaılar departamentiniń málimetinshe, 1-10-qabattar aralyǵyndaǵy úıdiń artqy jaǵyndaǵy qasbet janyp ketken. О́rt 2100 sharshy metr aýmaqty qamtyǵan.
О́rt der ýaqytynda sónidirilip úılerge ótpegen.
«Qyzyl jalyn saǵat 06:18-de sóndirildi. Mamandar kelgenge deıin ǵımarattan 60 turǵyn óz betinshe shyǵyp ketken (onyń 15-i balalar). Tótenshe jaǵdaılar qyzmetiniń kúshteri 15 adamdy (onyń 8-i balalar) evakýasııalady. Qurbandar men zardap shekkender joq. О́rttiń shyǵý sebebi anyqtalyp jatyr», delingen qalalyq ákimdik habarlamasynda.
Turǵyn úıdiń qasbetin «K7 group» qurylys kompanııasy qalpyna keltiredi.