30 jastaǵy Anastasııa júktilik kezindegi aýyr sozylmaly aýrýdyń saldarynan júrektiń úsh ret toqtaýynan keıin shok kúıinde aýrýhanaǵa jetkizildi, dep habarlaıdy Egemen.kz.
Qala ákimdiginiń baspasóz qyzmeti habarlaǵandaı, dárigerler reanımasııa bólimshesinde О́JJ apparatyna qosylǵan naýqastyń ómiri úshin 3 apta boıy kúresken.
«Aýrýhanaǵa túsken kúnnen bastap bir apta ótken soń Anastasııa esin jıyp, ońaltýdan keıin gınekologııa bólimshesine aýystyryldy. 1 aı boıy medısınalyq qyzmetkerlerdiń qajyrly eńbegi arqasynda naýqas tynys alýdy, tamaqtanýdy, júrýdi jáne sóıleýdi qaıta úırendi», dep jazylǵan habarlamada.
Aýrýhananyń barlyq qyzmetkerine alǵys bildirgen Anastasııa: «Olar meniń balamdy qutqaryp, ana dúnıeden qaıta shyǵardy», dedi.
Gınekologııa bólimshesiniń meńgerýshisi Orazaly Abdramanov búgingi kúni naýqastyń jaǵdaıy jaqsy ekenin atap ótti.