2023 jylǵy 8 qazanda túngi saǵat 03:00 shamasynda bir top adam mas kúıinde Temirtaý qalasyndaǵy «Merýert» meıramhanasynda turǵan qyzmettik kólikte bolǵan polısııa qyzmetkerlerine shabýyl jasaǵan, dep habarlaıdy Egemen.kz Qaraǵandy oblysynyń prokýratýrasyna silteme jasap.
Tártip buzýshylar kóliktiń esigin ashyp, polısııa qyzmetkerlerine qatysty balaǵat sózder aıtyp, tóbelesý úshin kólikten shyǵýdy talap etken.
JÁAT (SOBR) qyzmetkerleri qaqtyǵystyń aldyn alýǵa tyrysqan, alaıda qylmyskerler olarǵa shyny bótelke men pyshaq qoldaný jolymen dene jaraqattaryn keltirip, qyzmetkerlerdiń tabeldik qarýyn ıemdenýge oqtalǵan, alaıda ol nıetterine jete almaǵan.
«Jasalǵan qylmystyń aýyrlyǵyna qaramastan, birinshi satydaǵy sottyń úkimimen tek 2 kináli tulǵa bas bostandyǵynan aıyrylyp, qalǵan 3 adamǵa qatysty bas bostandyǵyn shekteý jazasy taǵaıyndalǵan.
Qaraǵandy oblysy prokýratýrasynyń ótinishhaty boıynsha apellıasııalyq satydaǵy sot 3 sottalǵanǵa qatysty úkimdi qaıta qarady jáne «qamaýda ustaý» bultartpaý sharasyn tańdaı otyryp, bas bostandyǵynan aıyrý jazasyn taǵaıyndady», dep habarlady prokýratýranyń baspasóz qyzmeti.
Úkim zańdy kúshine endi.