«Taza Qazaqstan» servısi endi «eGov mobile» qosymshasynda qoljetimdi. Fýnksııa árbir azamatqa smartfonnyń kómegimen óz qalalaryn abattandyrý jáne ekologııa máseleleri týraly habarlaýǵa múmkindik beredi.
Atalǵan elektrondy qyzmettiń kómegi arqyly turǵyndar ekologııalyq problemalardy fotosýretke túsirip, ony jedel sheshý úshin jaýapty qurylymdarǵa aqparat bere alady.
Bul qosymsha iske qosylǵan sátten bastap qazaqstandyqtar tazaqazaqstan.kz saıty jáne «TazaQazBot» telegram-boty arqyly 1 500-den astam ótinim berdi. Bul tehnologııany «eGov mobile» qosymshasymen biriktirý ótinim berý úderisin odan saıyn jeńil ári qoljetimdi etedi.
Qosymsha paıdalanýshylary joldardyń, saıabaqtardyń, kireberisterdiń, jaryqtandyrýdyń, sondaı-aq qoǵamdyq jáne jeke aýmaqtardyń sanıtarlyq jaǵdaıyna qatysty máselelerdiń keń aýqymy boıynsha ótinimder bere alady.
Odan soń barlyq aqparat operatorǵa jergilikti atqarýshy organnan kelip túsedi, ol ony jikteıdi jáne oryndaýshyny taǵaıyndaıdy. Al oryndaýshy júrgizilgen jumystyń qorytyndysy boıynsha fotosýretpen jáne túsiniktememen keri baılanys beredi. Keıin ótinim bergen azamat oryndalǵan jumystyń sapasyn baǵalaı alady jáne buryn berilgen barlyq ótinimderdi kóre alady.
Aıta keteıik, «eGov mobile» qosymshasynyń jańa fýnksıonalyn Ekologııa mınıstrligi, sondaı-aq Sıfrlyq damý, ınnovasııalar jáne aeroǵarysh ónerkásibi mınıstrligi «Ulttyq aqparattyq tehnologııalar» aksıonerlik qoǵamymen birlesip iske qosty.