Memleket basshysy Qyrǵyzstan Prezıdentine quttyqtaý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Sadyr Japarovty jáne Qyrǵyzstan halqyn Táýelsizdik kúnimen quttyqtady.
Memleket basshysy óziniń quttyqtaý jedelhatynda egemendi Qyrǵyz Respýblıkasynyń tarıhyndaǵy bul aıtýly kún eldiń memlekettiligin odan ári nyǵaıtýǵa jáne ósip-órkendeýine berik negiz qalaǵanyn atap ótti. Sondaı-aq Prezıdent strategııalyq seriktestik pen odaqtastyq rýhyna tolyq saı keletin qazaq-qyrǵyz yntymaqtastyǵynyń damýyna joǵary baǵa berdi.
Qasym-Jomart Toqaev Sadyr Japarovtyń jaýapty memlekettik qyzmetine tabys, al baýyrlas qyrǵyz halqyna baq-bereke tiledi.