Ile Alataý taýlarynda qutqarýshylar úsh jigitti qutqardy. Bul týraly Egemen.kz QR TJM baspasóz qyzmetine silteme jasaı otyryp, habarlaıdy.
Almaty oblysynda 1998, 2001 jáne 2004 jyly týǵan úsh jigit taýǵa shyǵyp, qarańǵyda "Lesnoı" asýynan tómen túsken kezde adasyp ketken. Olar qutqarýshylardan kómek suraýǵa májbúr bolǵan.
- TJM Respýblıkalyq jedel-qutqarý jasaǵynyń qutqarýshylary taýly jerlermen eki saǵatta joǵalǵandarǵa jetip, jigitterdi tómen qaraı, týystary kútip turǵan jerge túsirdi. Olarǵa medısınalyq kómek qajet bolmady, delingen habarlamada.