31 tamyzda Shyǵys Qazaqstan oblysyndaǵy «Shyǵystústimet» shahtasynda tórt adam qaıtys boldy, dep habarlaıdy Egemen.kz.
Oblystyq Tótenshe jaǵdaılar departamentiniń málimeti boıynsha, olar belgisiz zattan ýlanǵan.
«ShQO Glýbokoe aýdandyq aýrýhanasyna taǵy bir adam jatqyzyldy, dárigerler onyń jaǵdaıyn turaqty dep baǵalady. Oqıǵanyń mán-jaıy anyqtalyp jatyr», – delingen TJD habarlamasynda.
Oqıǵa ornynda "KÁAQQ ROSh" JShS ShQF (13 adam jáne 3 birlik), TJD jáne jergilikti atqarýshy organdardyń ókilderi jumys istep jatyr.