ShQO polısııa departamenti shahtada tórt jumysshynyń qaza bolý faktisi boıynsha qylmystyq is qozǵady, dep habarlaıdy Egemen.kz.
Buǵan deıin habarlaǵanymyzdaı, Shyǵys Qazaqstan oblysynda "Vostoksvetmet" JShS shahtasynda 4 adam ýlanyp qaıtys boldy.
Taǵy bir adam Glýbokovskıı aýdandyq aýrýhanasyna jatqyzyldy, onyń jaǵdaıyn dárigerler turaqty dep baǵalap otyr.
Atalǵan fakti boıynsha QR Qylmystyq kodeksiniń 277-baby 3-bóligi boıynsha qylmystyq is qozǵaldy ("taý-ken nemese qurylys jumystaryn júrgizý kezinde qaýipsizdik erejelerin buzý")", - delingen PD habarlamasynda.
PD habarlaýynsha, atalǵan fakti boıynsha tergeý júrgizilip jatyr, oqıǵanyń barlyq jaǵdaılary anyqtalyp jatyr.
Shyǵys Qazaqstan oblysynyń polısııa departamenti qaza tapqandar men zardap shekkenderdiń otbasylary men jaqyndaryna kóńil aıtady, – delingen habarlamada.