Prezıdent Qasym-Jomart Toqaev Qazaqstan halqyna Joldaýynda Quqyq qorǵaý organdaryna jáne basqa da jaýapty mekemelerge azamattardyń qaýipsizdigin barynsha qamtamasyz etýdi júktedi, dep habarlaıdy Egemen.kz.
Prezıdent atap ótkendeı, elimizde aýqymdy reformalar kezeń-kezeńimen júzege asyrylyp jatyr. Saıası jańǵyrýdyń nátıjesinde azamattarymyzdyń óz oıy men pikirin ashyq aıtyp, memlekettik sheshimder qabyldaý úderisine aralasýyna jol ashyldy. Sondaı-aq áleýmettik-ekonomıkalyq turǵydan tereń ózgerister jasalyp jatyr.
«Azamattarymyzdyń quqyǵyn qorǵaý salasynda keshendi sharalardy qolǵa aldyq. Negizgi maqsat – ádiletti qoǵam qurý jáne sonyń arqasynda damýdyń sara jolyna túsken ozyq el bolý. Sondyqtan biz osy baǵyttaǵy mańyzdy reformalardy jalǵastyramyz, júıeli jumysty toqtatpaımyz», dedi Memleket basshysy.
El Prezıdenti kóshedegi, qoǵamdyq oryndardaǵy qylmys pen zańsyzdyq tyıylyp keletinin aıtty. Degenmen, arqany keńge salýǵa bolmaıtynyn tilge tıek etti.
«Taǵy bir másele – azamattardyń qaýipsizdigi. Jeke adamnan bastap tutas qoǵamnyń qaýipsizdigin qamtamasyz etý – memleket úshin strategııalyq mańyzy bar basymdyq. Meniń basty mindetimniń biri – Qazaqstandy qaýipsiz ári jaıly elge aınaldyrý. Quqyq qorǵaý organdaryna jáne basqa da jaýapty mekemelerge azamattardyń qaýipsizdigin barynsha qamtamasyz etý júkteldi», dedi Memleket basshysy.
Sonymen qatar Prezıdent IIM sheteldikterdiń zańsyz kóship kelýiniń dereý jolyn kesý kerek ekenin aıtty.
«Ishki ister mınıstrligi usaq buzaqylyq pen vandalızmnen bastap, sheteldikterdiń zańsyz kóship kelýine jáne basqa da aýyr qylmystarǵa qatań tosqaýyl qoıyp, dereý jolyn kesýge mindetti. Quqyqtyq memlekette qylmys álemine oryn joq, qaraqshylyqty túp-tamyrymen joıý qajet. Túrli ekstremısterdiń, onyń ishinde ásire dinshilderdiń de elge iritki salatyn áreketterine qatysty ustanym dál osyndaı bolýǵa tıis. Quqyq qorǵaý organdary kásibılik, batyldyq jáne tabandylyq tanytýy kerek», dedi Qasym-Jomart Toqaev.