Almaty oblysy, Uıǵyr aýdanyndaǵy Úlken Aqsý aýyldyq okrýginde sibir jarasyn juqtyrýy múmkin dep tanylǵan 4 adam tirkeldi. Osyǵan baılanysty aýylda ýaqytsha veterınarlyq-sanıtarlyq shekteý engizildi, dep jazady Egemen.kz.
Aýyl ákimdigi sibir jarasy bir adamnan ekinshi adamǵa juqpaıtyndyqtan karantın jarııalanbaǵanyn eskertti.
«Osyǵan baılanysty Uıǵyr aýdanynda veterınarlyq-sanıtarlyq ýaqytsha shekteý sharalary engizildi. Karantın jarııalanǵan joq», delingen oblystyq ákimdik habarlamasynda.
Aıta keteıik, ınfeksııa taralýynyń aldyn alý úshin mal men aýylsharýashylyq janýarlardan alynatyn ónimderdi eksporttaýǵa da shekteý qoıylǵan.