Parlament palatalarynyń birlesken otyrysynda Prezıdent Qasym-Jomart Toqaev el halqyna Joldaýyn arnap, memleketimizdiń damýyna qatysty óte ózekti usynystar men tetikterdi aıtty.
Birinshiden, elimizge bankterdiń qyzmeti týraly jańa zań qajettiligin jetkizdi. Meniń oıymsha, bul kúlli otandastarymyz kútken másele.
Ekinshiden, týrıstik klasterdi damytý úshin jaqsy ınfraqurylym ázirleý mańyzdy ekeni aıtyldy. Shyn máninde, bul aıtylǵan másele óte oryndy. Bizdiń azamattar nemese syrttan kelgen qonaqtar týrıstik aımaqqa demalýǵa shyqqan kezde jol mashaqatyn kórmeı, shynaıy demalystyń lázzatyn sezinýi kerek.
Úshinshiden, bolashaqta tehnıkalyq mamandyqtar boıynsha jas mamandardy daıarlaý kún tártibine shyǵaryldy. Bul salada elimizde olqylyq bar. Bolashaqta osy dúnıe boıynsha maman defısıtin boldyrmaý úshin biz qazirden myqty tehnologter men ınjenerlerdi daıarlaýymyz kerek.
Osyǵan baılanysty kelesi jyl Jumysshy mamandyqtary jyly dep jarııalanyp otyr. Prezıdenttiń bul bastamasy eńbek adamy úshin óte mańyzdy. Biz jumysshy mamandardy qurmettep qana qoımaı, odan bólek dáripteýimiz de kerek. Jalpy, Joldaýda elimizdiń damýyna qatysty mańyzdy oılar aıtyldy. Aldaǵy ýaqytta osynyń barlyǵy iske asyp jatsa, el ıgiligi úshin jasalar jaqsylyqtar kóp bolmaq.
Gennadıı ShIPOVSKIH,
Senat depýtaty