Kóshi-qon qyzmetiniń qyzmetkerleri Abaı oblysyna qarasty Borodýlıha aýdany turǵynynyń qos azamattyǵy bar ekenin anyqtaǵan, dep habarlaıdy Egemen.kz.
Vedomstvonyń baspasóz habarlamasynda: «Sot qaýlysy boıynsha, quqyq buzýshy QR ÁQBtK-niń 496-baby ekinshi bóligi boıynsha Qazaqstan Respýblıkasynan shyǵarý túrindegi ákimshilik jaýapkershilikke tartyldy», delingen.
Oblystyq polısııa departamentiniń málim etýinshe, osy jyly RF-nyń azamattyǵyn alyp, Qazaqstan azamattyǵynyń kúshin joıǵanyn rásimdemegen 54 jastaǵy er adamdy quqyq qorǵaý organdary áshkerelegen.
Polıseıler kóshi-qon zańnamasy boıynsha elimizde qos azamattyqqa jol berilmeıtinin eskertedi.