Búkil álem kóz tikken V Dúnıejúzilik kóshpeliler oıyndary kúni keshe elordada bastaý aldy. Astana tórinde ótip jatqan dúbirli dodaǵa 89 elden 2 430 qatysýshy tirkelgen. Onyń ishinde jattyqtyrýshylar, sportshylar, mádenı jáne ǵylymı jobalarǵa qatysatyn ǵalymdar, zertteýshiler de bar. Dúnıejúzilik kóshpeliler oıyndaryn asyǵa kútken oqyrman nazaryna oıynnyń qyzý ári qyzyqty sátterin usynamyz.
2014 jyldan beri turaqty ótip kele jatqan kóshpeliler oıyndarynda 21 sport túrinen 97 medal jıyntyǵy sarapqa salynady.
Medaldiń jalpy sany – 581 dana.
Dúnıejúzilik kóshpeliler oıyndarynyń júlde qory – 250 mln teńge.
Qonaqtardy qabyldaý úshin elordadaǵy 20 qonaq úı men 331 kólik quraly jumyldyrylady. Qatysýshylar úshin qonaq úılerden sporttyq nysandarǵa arnaıy shatl basstar uıymdastyrylady.
Aıta keteıik, Dúnıejúzilik kóshpeliler oıyndary alǵash ret Qyrǵyzstanda (2014 jyly) ótip, keıin ekeýi de (2016 jáne 2018 jyldary) osy elde uıymdastyryldy.
Al 2022 jyly Túrkııanyń Iznık qalasynda ótti.