Kókpardan Dúnıejúzilik kóshpeliler oıyndarynyń toptyq kezeńdegi tartysyn bastaǵan elimizdiń quramasy iri eseppen jeńiske jetti. A tobynda О́zbekstan ulttyq quramasyna qarsy oınaǵan kókparshylar 16:0 esebimen aıqyn utty.
Ulttyq quramanyń bas bapkeri Aqylbaı Mankeev ózbek kókparshylarynyń álsizdik tanytýyna óz attaryn ákelmeýi áser etkeni aıtady.
«Dúbiri dúıim jurtqa jaıylǵan kóshpeliler oıyndarynyń izashar tartysyn ótkizgen qurama oıynshylary jeńiske jetkeni qýantyp otyr. Taktıkalyq jospardyń oryndalýyn, jigitterdiń fızıkalyq daıyndyǵyn da baıqap kórdik. Osy qarqyndy báseńdetpeı, kókpardan Dúnıejúzilik kóshpeliler oıyndarynyń chempıony atanýǵa barymyzdy salamyz», dedi bas bapker.
Ulttyq qurama múshesi Abylaıhan Nyshanbekov qashanda alǵashqy oıynnyń jeńil soqpaıtynyn aıtty.
«Attardyń da kúshin, ózimizdiń de qarymymyzdy synap kórdik. Qarsylas komandany oısyraı utylǵanyna qarap osal deýge kelmeıdi. Bizdiń jigitter baryn salyp, óz sheberligin kórsetti. Alda áli de tartysty oıyndar kútip tur, jankúıerlerdi qoldaýǵa shaqyramyz», dedi A.Nyshanbekov.
Kókpardan ulttyq qurama endi óz tobynda Reseı, Qytaı, AQSh qurama komandasyna qarsy oıyn ótkizedi. V tobynda Qyrǵyzstan, Mońǵolııa, Majarstan, Túrkııa quramalary synǵa túsedi. Keshe A tobyndaǵy birinshi oıyndy ótkizgen Reseı quramasy Qytaı kókparshylaryn 4:1 esebimen utty.
Dúnıejúzilik kóshpeliler oıyndaryna kókpardan 9 memlekettiń komandasy qatysady. Jalpy, 104 kókparshy tirkelgen. Saıys «Qazanat» ıppodromynyń alańynda ótip jatyr.