Halyk qaıyrymdylyqqory Astanadaǵy baspanaǵa muqtaj otbasylarǵa arnap «Compass North» turǵyn úı kesheninen Astana ákimdigine 400 jańa páter berdi. Bul joba qordyń qazaqstandyqtardyń ómir súrý sapasyn jaqsartý jáne azamattarǵa kómek kórsetý jumystarynyń bir bóligi ǵana.
«Compass North» túrǵyn úı kesheni áleýmettik qoldaýdy erekshe qajet etetinderdi baspanamen qamtamasyz etý maqsatynda Astana ákimdigimen jasalǵan kelisim aıasynda salyndy.
"Muqtaj jandarǵa baspana syılaý – bul jaı ǵana kómek emes, ádiletti qoǵam qurýǵa qosqan úlesimiz. Tımýr Qulybaevtyń "Halyk" qorynyń qoldaýy bul otbasylardyń bolashaqqa degen senimin arttyrady degen úmittemiz. Bizdiń maqsatymyz - adamdar bul úılerde ómir súrip qana qoımaı, qamqorlyq pen qoldaýdy sezinse eken", - dedi qor basshysy Saǵynbek Shúńkeev.
Shúńkeev sondaı-aq «Compass North» turǵyndary jaıly jáne qaýipsiz ómir súre alatynyn atap ótti: keshen aýmaǵy bógde adamdarǵa jabyq, beınebaqylaý júıesi iske qosylǵan, al balalar men eresekter úshin sport alańdary, demalys aımaqtary men serýen alleıalary bar.
Páterlerdiń alǵashqy legi ótken jyly tabys etilgen, al qalǵan páterlerdi Astana ákimdigi taratady.
"Compass North" turǵyn úı kesheni "Nurly Jol" vokzalynyń aýdanynda ornalasqan, 11 kópqabatty ǵımarattan turady. Úı-jaılardyń jalpy aýdany 20 myń sharshy metrden asady, al qurylys quny shamamen 6,9 mıllıard teńgeni qurady. Barlyq páterlerge ishki árleý jumystary júrgizilgen jáne olar qonystanýǵa tolyq daıyn.
2016 jyly qurylǵan Halyk qory, Tımýr Qulybaevtyń jetekshiligimen elimizdiń túkpir-túkpirinde muqtaj jandardy qoldaýǵa jáne qazaqstandyqtardyń ómir súrý jaǵdaıyn jaqsartýǵa baǵyttalǵan 120-dan astam áleýmettik jobany júzege asyryp, 85 mıllıard teńgeden astam kómek kórsetti.