«Meniń atym Qoja» fılminde Janar esimdi keıipkerdi somdaǵan tanymal aktrısa Kúlásh Qajyǵalıeva ómirden ótti, dep habarlaıdy Egemen.kz.
Qaıǵyly habardy Ǵabıt Músirepov atyndaǵy Qazaq memlekettik akademııalyq balalar men jasóspirimder teatry habarlady.
«QR Eńbek sińirgen artısi, Eren eńbegi úshin jáne «Eńbek ardageri» medalderiniń ıegeri, teatrymyzdyń artısi Qajyǵalıeva Kúlásh Sopqanqyzy ómirden ótti. О́nerdiń ańyz, teatrymyzdyń abyz anasynan aıyrylý orny tolmas úlken qaıǵy. Otbasy men týystaryna qaıǵyra kóńil aıtamyz», delingen habarlamada.Kúlásh Qajyǵalıeva 1942 jyly Almaty oblysy Úıgentas aýdany Aqjar aýylynda dúnıege kelgen.
1969 jyldan bastap tynbaı eńbek etip, jemisti jumys jasaǵan aktrısa B.Soqpaqbaev «Meniń atym Qoja» - Janar, «Qyzyl suńqarlar» - Marýar, Iran-Ǵaıyp «Qorqyttyń kóri» - Qamqa sheshe, Sh.Aıtmatov «Ystyqkól tragedııasy» - Kempir, «Aq keme» - Kempir, S.Balǵabaev «Qyz jıyrmaǵa tolǵanda» - Ǵanı, Á.Tarazı «Jaqsy kisi» - Balzııa, O.Bókeı «Ataý-Kere» - Marfa, «Aýyldan kelgen arý» - Sándigúl, S.Balǵabaev «Eń alǵashqy Jańa jyl» - Áje, A.P.Chehov «Shaǵala» - Polına Andreevna jáne t.b. rólderdi somdaǵan.