QR Ǵylym jáne joǵary bilim mınıstri Saıasat Nurbek bıyl talapkerlerden 22 shaǵym túskenin málimdedi, dep habarlaıdy Egemen.kz.
«Ǵylym jáne joǵary bilim mınıstrligine barlyǵy 22 talap aryz tústi. Eki apta buryn birinshi talap aryzdanýshynyń memlekettik grant alýyna baılanysty qaıtaryp alynǵan. Qazir Astana ákimshilik sotynda bir ǵana is qaldy, 19 qyrkúıek kúni birinshi otyrysy ótedi. Biraq sotqa bergen talapker Narhoz ýnıversıtetiniń grantyn da, memlekettik grantty da alǵan. Sondyqtan sottyń sheshimin kútemiz», dedi Saıasat Nurbek.
Mınıstrdiń aıtýynsha, talapkerlerdiń basty shaǵymy – qalaǵan JOO-dan emes, basqa ýnıversıtetten grant ıelený.
Eske sala keteıik, bıyl sý tasqynynan zardap shekken óńirlerge kvota bólingendikten UBT-dan joǵary bal jınasa da, grantqa túse almaı qalǵan túlekter ózderiniń narazylyqtaryn bildirip, aryzdanǵan edi.