QR Densaýlyq saqtaý mınıstrligi Mańǵystaý oblysynyń Munaıly aýdanynda tamaqtan ýlanyp qalǵan oqýshylardyń jaı-kúıi týraly aqparat usyndy, dep habarlaıdy Egemen.kz.
«Mańǵystaý oblysynda ınfeksııadan zardap shekken 98 balanyń barlyǵy oblystyq kópbeıindi balalar aýrýhanasynyń ınfeksııalyq bólimshesinde stasıonarlyq em aldy, úılerine shyǵarylyp, turǵylyqty jeri boıynsha ambýlatorııalyq baqylaýǵa alyndy», dep habarlady DSM-niń baspasóz qyzmeti.
Eske sala keteıik, 6 qyrkúıekte Munaıly aýdanynyń «№8 jalpy bilim beretin mektep» KMM-niń 466 oqýshysy túrli shaǵymdarmen medısınalyq mekemelerge júgingen. Onyń 98-i aýrýhanaǵa jatqyzylyp, eki bala qarqyndy terapııa bólimshesinde emdelgen.