Qaıǵyly jaǵdaı 16 qyrkúıekte saǵat 18:30 shamasynda «Batys Eýropa-Batys Qytaı» respýblıkalyq mańyzy bar avtojolynyń 526-shaqyrymynda bolǵan, dep habarlaıdy Egemen.kz.
Cadilak Escalade júrgizýshisi basyp ozý kezinde qarsy baǵytqa shyǵyp ketip, qarsy baǵytta kele jatqan DAF júk kóligimen jáne óz jolaǵynan shyǵyp, Gazel kóligimen soqtyǵysqan. Soqtyǵys saldarynan eki kólik órtenip ketken.
«Jol apatynan 37 jastaǵy Gazel júrgizýshisi, 30 jastaǵy Cadilak Escalade júrgizýshisi jáne onyń 5 jolaýshysy, onyń ishinde eki jasar bala oqıǵa ornynda kóz jumdy», dep habarlady Jambyl oblysy polısııa departamentiniń baspasóz qyzmeti.
Atalǵan oqıǵaǵa qatysty sotqa deıingi tergeý amaldary bastalǵany habarlandy.