Almatyda moped júrgizýshisi «GAZel» kóligine soǵylyp, mert boldy, dep habarlaıdy Egemen.kz.
Qalalyq polısııa basqarmasynyń málimetinshe, jol-kólik oqıǵasy 17 qyrkúıek kúni saǵat 13:30-da Alataý aýdanynda bolǵan.
«Moped júrgizýshisi Raıymbek dańǵylymen batys baǵytta, Momyshuly kóshesiniń qıylysynda kele jatyp, jolaǵyn aýystyryp jatqan kezde «Gazel» kóligimen soqtyǵysqan. Oqıǵa saldarynan ol jaraqat alyp, aýrýhanaǵa jatqyzyldy», dep habarlady Almaty polısııa departamentiniń baspasóz qyzmeti.
Anyqtalǵandaı, aýrýhanaǵa jetkizilgen moped júrgizýshisi sol jerde jan tapsyrǵan. Adam ólimine ákep soqtyrǵan jol-kólik oqıǵasyna baılanysty qylmystyq is qozǵalyp, tıisti saraptamalar taǵaıyndalǵan.