Almatyda Qazaqstandaǵy AES-qa qatysty referendým ótkizý týraly zańnamany buzǵan tórt adam jaýapqa tartyldy, dep habarlaıdy Egemen.kz qalalyq prokýratýranyń baspasóz qyzmetine silteme jasap.
Almaty qalasynyń prokýratýrasy jeke jáne zańdy tulǵalardyń Qazaqstan Respýblıkasynyń saılaý zańnamasynyń talaptaryn saqtamaı atom elektr stansııasynyń qurylysy boıynsha qoǵamdyq pikirge saýalnama júrgizý faktilerin anyqtaǵan.
«Nátıjesinde 4 quqyq buzýshy ákimshilik jaýaptylyqqa tartylyp, aıyppul arqalady», delingen habarlamada.
Aıta keteıik, qala prokýratýrasy qoǵamdyq pikirge saýalnama júrgizý tártibi «Respýblıkalyq referendým týraly» jáne «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq Zańdarymen retteletinin eske saldy.