Túrkistan oblysy, Saıram aýdanynda alaıaq áıel er adamnyń uıaly telefonynan jasyryn túrde onlaın nesıe rásimdep, qomaqty qarjyny ózine aýdaryp alǵan, dep habarlaıdy Egemen.kz.
Polisia.kz-tiń jazýynsha Saıram aýdanynda qoıshy jigit uıaly telefonnyń tilin túsinbegendikten, aýrýhanada kezdesken beıtanys áıelden kómek suraǵan.
Jas áıel jeke káýligi kerek ekenin aıtyp, er adamnyń telefony arqyly bank qoldanbasyna kirip, onyń atyna nesıe rásimdep,1 mln-nan astam qarjyny ıemdenip, óziniń qajettiligine jumsaǵan.
Jábirlenýshi óziniń atyna nesıe rásimdelgenin, bankten habarlama kelgen kezde bir-aq bilgen.
Saıram aýdanynyń polısııa qyzmetkerleri kúdiktini ustady. Sotqa deıingi tergeý amaldary júrgizilip jatyr.