Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary atom jáne energetıka salasyn damytý máseleleri boıynsha Energetıka mınıstrliginiń ókilderimen kezdesý ótkizdi.
Júzdesýde otandyq energetıka naryǵynyń qazirgi jaı-kúıi men máseleleri talqylandy. Senatorlar metallýrgııa, kólik, IT, medısına, farmasevtıka jáne aýyl sharýashylyǵy ónimderin óńdeý salalarynda jańa jobalardy júzege asyrý barysynda týyndaǵan elektr energııasy tapshylyǵynyń óse túskenine basa nazar aýdardy. Osyǵan baılanysty energetıkalyq qaýipsizdikti qamtamasyz etý úshin taza energııa kózi retinde atom elektr stansasyn salýdyń mańyzy zor bolyp otyr.
Is-shara barysynda qatysýshylar tehnologııa men qurylys aýdanyn tańdaý, sondaı-aq qaýipsizdik, ekologııa jáne álemdik tájirıbe máselelerin talqylady. Depýtattar kezdesý qorytyndysy boıynsha AES salý bastamasyna qoldaý bildirdi jáne osy jobanyń barlyq mán-jaıyn halyqqa keńinen túsindirý qajettigin atap ótti.