19 qyrkúıekte «Býrabaı» ulttyq parkiniń ınspektorlary Jókeı kólinen zańsyz balyq aýlaǵan brakonerlerdi qolǵa túsirdi, dep jazady Egemen.kz.
Brakonerler ınspektorlyq reıd kezinde ustalǵan. Olardan barlyǵy 640,3 keli balyq tárkilendi, onyń 631,6 kelisi - sazan bolsa, 8,7 kelisi - taban balyq.
«Býrabaı» MUTP baspasóz qyzmetiniń málim etýinshe, elordalyq turǵyndar «Temnobor» ormanshylyǵynyń erekshe qorǵalatyn tabıǵı aýmaǵynda kólge aý salǵan. Zalal somasy 9 132 827 teńgeni quraǵan. Quqyq buzýshylyq materıaldary Birjan sal aýdanynyń polısııa bólimine berilgen.
Aıta keteıik, atalǵan parktiń dıreksııasy kólderdiń jaǵasynda Smart National Park Burabay aqyldy beınebaqylaý júıelerin ornata bastaǵan. Jyl sońyna deıin kameralar tolyq ornatylmaq. Bul – sý aıdynyndaǵy jaǵdaıdy tıimdi baqylaýǵa jáne brakonerlik faktilerin jedel túrde toqtatýǵa múmkindik beredi.
«Kólderde zamanaýı beınebaqylaý tehnologııalaryn engizý jartastardy búldiretin, qoqys tastaıtyndarǵa da tosqaýyl bolady dep úmittenemiz», deıdi «Býrabaı» MUTP dırektory Sergeı Bykov.