Jetisý oblysynda jumys berýshisin óltirgen er adam sottaldy. Oblystyq PD baspasóz qyzmeti qylmystyq is sotqa tamyz aıynda jiberilgenin habarlady, dep jazady Egemen.kz.
Bıyl aqpan aıynda polısııa patrýli Qaratal aýdanynyń Bastóbe aýylynda adamnyń basyn polıetılen paketke salyp alǵan moped júrgizýshisin ustaǵan. Kóp uzamaı Almatynyń 55 jastaǵy turǵyny jasaǵan qylmysyn moıyndaǵan.
Tergeý barysynda anyqtalǵandaı, er adam mas kúıde jumys berýshisin balǵamen uryp óltirgen. Sodan soń óli deneni pyshaqpen bólshektep, qalalyq zıratqa bólip-bólip tasýǵa tyrysqan. Jalǵa alǵan úıdi tintken polıseıler óli deneniń birneshe paketke salynǵan qalǵan bólikterin tapqan. Marqum 50 jastaǵy jergilikti turǵyn ekeni anyqtaldy.
Qylmystyq ister jónindegi mamandandyrylǵan aýdanaralyq sotynyń úkimi boıynsha, aıyptalýshy 11 jylǵa bas bostandyǵynan aıyryldy.