Qytaıdyń Hanchjoý qalasynda WKF karateden eresekter arasyndaǵy XX Azııa chempıonaty aıaqtaldy. Bıyl qurlyqtaǵy 30 elden tańdaýly 300-den astam tatamı sheberi kúsh synasty. QR Týrızm jáne sport mınıstrliginiń málimdeýinshe, bul qatarda el namysyn kýmıte baǵdarlamasynda 19 otandasymyz qorǵady, dep habarlaıdy Egemen.kz.
Qazaqstan sportshylary chempıonat nátıjesinde 2 altyn, 2 kúmis jáne 1 qola medal ıelendi. Fınalda Jolaman Bıǵabyl (-55 kg) Omar Shakrany (Iordanııa), al Nurqanat Ájiqanov (-75 kg) bolsa Kývonchbek Mýhammadıevti (О́zbekstan) utyp, óz salmaǵynda jeńimpaz atandy. Nurqanat jartylaı fınalda álem chempıony Bahman Askarı Gonchehti aıqyn basymdyqpen utty (7-1).
Aqtyq synǵa shyqqan taǵy bir otandasymyz Ásel Qanaı (-61 kg) kúmis júldege ıe boldy. Sonymen qatar kýmıteden erler komandasy 2-oryn aldy. Tokıo Olımpıadasynyń qola júldegeri Sofıa Berýlseva (+68 kg) qola medal ıegeri atandy. Jarys nátıjesi boıynsha erler komandasy álem kýbogyna joldama aldy.
Qazaqstan jalpy esepte Japonııa men Vetnamnan keıin 3-orynǵa turaqtady.