«Samuryq-Qazyna» AQ Ulttyq travmatologııa ortalyǵyna 400 mln teńgeniń qural-jabdyǵyn tabystady

Qurylǵanyna jıyrma jyldan asqan, degenmen, qon­dyr­ǵylary eskirip tur­ǵan elimizdegi alǵashqy ári bire­geı, óz salasynda jalǵyz ǵylymı-klınıkalyq ortalyqqa «Samuryq-Qazyna» AQ basqarma tóraǵasy Nurlan Jaqypov 7 túrli qazirgi zamanǵy ozyq medısınalyq qural-jab­­dyq­tyń sertıfıkatyn tapsyrdy.

«Jylyna tirek-qımyl appa­ratynyń jaraqattary men aýrýlarynan zardap shegetin 8 myń azamatymyz endi edáýir sapaly, joǵary deńgeıdegi medısınalyq kómek alady. Jańa jabdyq medısınalyq ortalyq jumysynyń tıimdiligin arttyrýǵa sep bolady dep senemin», dedi qor jetekshisi quttyqtaý sózinde.

Buǵan deıin ortalyq mamandary ártúrli hırýrgııalyq aralasýlardyń jyldamdyǵy men ereksheligine, naýqastardyń ómir súrý sapasyna áser etken eskirgen qatardaǵy aspaptar men jabdyqtardy paıdalanyp kel­di. Endigi sátte satyp alynǵan jabdyqtar súıek-bulshyq et júıesi jaraqattary men aýrýlary saldarynan bolýy múmkin asqynýlar men múgedektiktiń sanyn azaıtyp, halyqtyń áleýmettik osal toptaryna, bala­­larǵa, elimizdiń barlyq aıma­ǵynan keletin qarttarǵa, múmkindigi shekteýli jandarǵa kór­seti­letin medısınalyq jár­dem sapasyn joǵarylatpaq. Sondaı-aq jetildirilgen emdeý ádisi travmatologııalyq-orto­pedııalyq kómektiń qol­jetimdiligine aıtarlyqtaı áser etetin sheberlik synyptary men semınar-trenıngter arqyly óńirlerge jańa tehnologııalardy taratýǵa jol ashady.

Múgedektikten saqtap, aýrý­lardy dál anyqtaıtyn, kúr­deli operasııalar jasaýǵa sep­tesetin ozyq biregeı medı­sı­nalyq qondyrǵylar tur­ǵy­synda Cobas avtomatty bıo­­­hımııalyq taldaǵyshy bıo­hımııalyq taldaýlardy jedel jasap, patologııanyń bar-joǵyn dál anyqtasa, Richard Wolf laparoskopııalyq hırýrgııa quraldary saý tinderge zııan keltirmeı operasııa ja­saý­ǵa múmkindik beredi. Mast quadrant retraktorlyq júıesi omyrtqanyń ártúr­li bólikterine kúrdeli hırýr­gııalyq operasııa jasaýǵa oń­taıly qoljetimdilikti qam­tamasyz etedi. Sonopet IQ ýltra­dybystyq aspırator júıesi – birqatar kúrdeli opera­sııa­­ny oryndaýǵa, Tivato 700 mýltı­­­dıs­sıplınarlyq ope­­ra­sııa­lyq mıkroskopy jum­saq tin­der­diń tereń aqaý­la­ryn emdeý úshin tamyrlar men júıkege mıkroskopııalyq tigister tigýge múmkindik be­re­di. Humeca symsyz dermatomy kúıik shalǵan kezde te­ri­ni transplantasııalaýǵa, al akkýmý­lıatorlyq kúsh jab­dyq­tary­nyń jıyntyǵy (ara, burǵy) súıekke jasalatyn kóp­te­gen ope­ra­sııaǵa qa­jet.

О́z kezeginde Ulttyq ǵylymı travmatologııa jáne ortopedııa orta­lyǵynyń ujymy «Samuryq-Qazyna» AQ kompanııalar toby men onyń qaıyrymdylyq operatory – «Samruk Kazyna Trust» qoryna zamanaýı emdeý ádisterin engizýge múmkindik berip, medısınalyq kómektiń qoljetimdiligin qamtamasyz etkeni, otandyq medısınany damytýǵa qosqan orasan zor úlesi men hırýrgııa salasynda ınnovasııalyq tásilderdi en­gizgeni úshin alǵysyn bildirdi.Ulttyq ǵylymı ortalyqta kún­delikti 50-ge jýyq operasııa, 300-ge deıin zertteý, jylyna 8 myńnan astam hırýrgııalyq is-qımyl jasalady.

Aldabergen KEMPIRBAI