Bul týraly QR Qarjy mınıstrligi Ishki memlekettik aýdıt komıtetiniń tóraǵasy Erjan Myńjasarov Aqtóbe oblysynyń kásipkerleriniń qatysýymen ótken onlaın kezdesýde aıtyp berdi, dep habarlaıdy Egemen.kz.
Bıyl Aqtóbe oblysynda turǵyndardan túsken shaǵymdardyń negizinde 107 tekserý júrgizilgen. 28,9 mlrd teńge kólemindegi qarajattyń maqsatty jumsalýy teksergende mamandar 18 mlrd teńge somasyna qarjylyq buzýshylyqtardy anyqtaǵan. Onyń ishinde 17,9 mlrd teńge taýar jetkizý, qyzmet kórsetý, jumys oryndaý jáne býhgalterlik esep júrgizý esebinen bıýdjetke qaıtarylǵan.
«Bizdiń mindetimiz – bıýdjet qarajatyn maqsatty paıdalanýdy qamtamasyz etý. Iаǵnı, birde-bir teńge tıimsiz jobalarǵa jumsalmaýy tıis», dedi komıtet tóraǵasy.
Sonymen qatar E. Myńjasarov bilim berý salasy jáne avtomobıl joldarynyń jóndeý jumystaryn tekserý máselesine de toqtaldy.
Onyń aıtýynsha, óńirlerdegi avtomobıl joldaryna qatysty másele tikeleı Prezıdentiniń qatań baqylaýynda. Komıtet jol qurylysy boıynsha tekserý kezinde Batys Qazaqstan, Shyǵys Qazaqstan jáne Qaraǵandy oblystarynda eleýli kemshilikter men buzýshylyqtardy anyqtaǵan.