Kógildir otynǵa qosylǵan úı kóbeıedi

Syzba-nusqany júzege asyrý ónerkásip pen kommýnaldyq-turmystyq salanyń birqatar obektisin tabıǵı gazǵa aýystyrýǵa, sondaı-aq ony turǵyn úı sektorynda jylytý jáne tamaq daıyndaý úshin paıdalanýǵa múmkindik beredi. Bul jekelegen aýdandar men jalpy oblystaǵy otyn-energetıkalyq teńgerimmen eko­logııalyq jaǵdaıdy aıtarlyqtaı jaq­sartady. 2030 jylǵa deıin oblystyń 9 el­di mekeni, atap aıtqanda, Jezqazǵan, Sátbaev, Qarajal qalalary men Atasý, Jáırem, Keńgir, Ulytaý, Jezdi, Qarsaq­baı kentteri gazdandyrylýy tıis.

Árbir eldi mekendi gazdandyrýdyń ózindik erekshelikteri bar. Mysaly, Jezqazǵan qalasyn gazdandyrý jobasy 3 kezekten, 7 iske qosý kesheninen turady. Mundaǵy gazdandyrýdyń jalpy uzyndyǵy – 199,8 shaqyrym. 2026 jyldyń sońyna deıin Jezqazǵanda 4 562 úı tabıǵı gazben qamtamasyz etilýi kerek. Búginde Jezqazǵan qalasynda gaz taratý jelilerin salý jumystary jalǵasyp jatyr.

Eki iske qosý keshenin qamtıtyn qury­lystyń alǵashqy kezeginiń jumys­tary aıaqtaldy. Munyń biri Talap aýyly men Bógenbaı batyr shaǵyn aýdanynyń ishki oramyn gazben jabdyqtaýǵa baǵyt­talǵan, uzyndyǵy 36,7 shaqyrym jeli salýdy kózdegen. Ekinshisi – 14,1 shaqyrymdyq Qabanbaı batyr shaǵyn aýdanynyń oramishilik jelilerin salýdy qamtamasyz etýge tıisti gaz qubyry edi. Bul jumystar der mezgilinde aıaqtaldy. Sonyń nátıjesinde, halyq gaz qyzmetin paıdalanyp ta otyr.

Qurylystyń ekinshi kezegi úsh iske qosý keshenin qamtıdy. Bulardyń biri Bekbolatsaı men Qostankeldi shaǵyn aýdandarynyń 43,4 shaqyrym oramishilik jelileri 3,4 mlrd teńge somasyna salynyp, paıdalanýǵa berildi. Nátıjesinde, 1 316 úıge gaz taratý jelileri tartyldy. Atalǵan gaz taratý jelileri «QazTranGazAımaq» AQ Qaraǵandy ón­diris­­tik fılıalyna senimgerlik bas­qarý­ǵa berildi.

Ekinshi iske qosý kesheni negizinde 91-94 oramdardyń 46,2 shaqyrymdyq oramishilik jelileriniń qurylys-montaj­daý jumystary júrgizilip jatyr. Bul maqsatta 26,9 mln teńge qara­jat qarastyrylǵan. Qurylysty aıaqtaý merzimi jaqyn qaldy. Sátin salsa, Jez­qazǵanda taǵy da 1 420 úıge gaz jetki­ziletin kún de alys emes. Úshinshi iske qosý kesheni – qalanyń Batys aýdanynda salynyp jatqan, quny 1,9 mlrd teńgeni quraıtyn 14 shaqyrymdyq oramishilik jeliler. Bul qurylystyń da aıaqtalatyn merzimi taqaý. Gaz taratý jelileri jet­kizilgen 291 úı aldaǵy jylý berý maýsymyn gazben qarsy alýy ábden múmkin.

2025-2026 jyldary qurylystyń úshinshi kezegi eki iske qosý keshenin qamtıtyn bolady. Iаǵnı Jezqazǵandaǵy 66-84 kvartaldardyń 30,9 shaqyrym jáne 4-6 kvartaldardyń 15,45 shaqyrym oram­ishilik jelileri aldaǵy eki jylda salynady.

«Oblys boıynsha eń alǵash gaz je­lisine qosylǵan Talap aýyly bolatyn. Buryn mundaǵy jeke turǵyn úıler gazǵa qosylǵan bolsa, endi áleýmettik nysandar da gaz qyzmetin paıdalaný múmkindigine ıe bola bastady. Aıtalyq, jýyrda Ta­lap aýylyndaǵy №14 mektep gazǵa qosyldy. Bul – gaz jelisine qosylǵan oblysymyzdaǵy eń alǵashqy áleýmettik nysan. Aýmaǵy 2 383 sharshy metr bolatyn qos qabatty nysanǵa arnalǵan jańa qazandyqtyń iske qosylýy aýyl halqy úshin ǵana emes, jalpy oblys ómirindegi eleýli oqıǵa boldy. О́ıtkeni aýyldaǵy 400-ge jýyq oqýshysy bar jalǵyz mektep qazandyǵy buǵan deıin dızel otyny arqyly jylytylyp kelgen edi.

Bıyl jyl sońyna deıin Jezqaz­ǵanda taǵy da birqatar nysan gazben qam­tamasyz etiledi deıdi Ulytaý obly­synyń Energetıka jáne turǵyn úı-kom­mýnaldyq sharýashylyǵy basqar­masy Gazben jabdyqtaý bóliminiń basshysy Asqar Qulataev. Gazdandyrý bas­talǵaly oblysta 910 úı gazǵa qosyldy, 1 083 teh­nıkalyq shart berildi.

Jańaarqa aýdanynyń Atasý kentin gazben jabdyqtaýdyń taratý jelileri bar gaz qubyry tarmaǵyn jáne «Atasý» avto­mattandyrylǵan gaztaratqysh stan­sasyn salýdyń jobalyq-smetalyq qujat­tamasy daıyn, memlekettik saraptama qorytyndysy kútilýde. Mundaǵy jumys 3 iske qosý kesheninen turady. 2024-2026 jyldar aralyǵynda munda 4 500 úı tabı­ǵı gazben qamtamasyz etilmek.

Jezqazǵan janyndaǵy Keńgir aýylyna gaz qubyryn salýdyń jobalyq-smetalyq qujattamasy bıyl daıyndaldy. Osyǵan sáıkes, 442 úıdi jáne 7 áleýmettik nysandy tabıǵı gazben qamtamasyz etý kózdelgen. Sátbaev qalasynda gaz qubyryn salýdyń joba­lyq-smetalyq qujattamasy daıyndalyp jatyr. Jospar boıynsha kenshiler qalasynda 2025-2027 jyldar aralyǵynda 4 100 úı tabıǵı gazǵa qosylýǵa tıis. Qara­jal qalasy men Jáırem kentin gazdandy­rý boıynsha jobasy 3 iske asyrý kesheninen turady.

Qaraǵandy oblysy ákimdigimen «Uly­­taý oblysynyń Jáırem kenti men Qara­jal qalasyndaǵy gaz qubyry-burý, AGRS – «Jáırem» jáne gazben jabdyqtaý jelilerin salý» jobasy ázirlendi. Qazir memlekettik saraptamadan oń qorytyndy shyqty. Qaraǵandy oblysy ákimdigi tarapynan, Ulytaý oblysynyń ákimdigi tarapyna jobany berý jumystary júrgiziledi. Joba Ulytaý oblysy ákim­diginiń balansyna ótken soń, jumysty bastaý úshin salalyq mınıstrlikke bıýd­jettik ótinim jiberiledi. Sonyń nátı­je­sinde atalǵan eldi mekenderde 2025-2027 jyldar aralyǵynda 2 107 úı gazǵa qosylady.

Aımaqqa gazdyń jetkeni keı jaǵdaıda jylý berýge baılanysty máselelerdi sheshýge de bolatynyn kórsetip otyr. Aıtalyq, oblys ortalyǵynyń Batys aýdanyndaǵy áleýmettik nysandarda jylý tapshylyǵy máselesin sheshý úshin ornatylatyn jańa qazandyq gazben jumys isteıtin bolady. Qazir jańa qazandyqtyń irgetasy quıyldy. Bul kóp ýaqytty qajet etpeıtin shaǵyn qurylys bolǵandyqtan, qarasha aıynda paıdalanýǵa beriledi dep kútilip otyr. Ol sol aýmaqta ornalasqan úlken ǵımarattardaǵy jylý tapshylyǵy máselesin eńserý úshin rezervke qoıylady. Qazandyqtyń qýaty – 10,5 MVt. Naqtylap aıtqanda, jańa qazandyq Batys aýdandaǵy kópsalaly aýrýhana, qarttar úıi, Abaı atyndaǵy mamandandyrylǵan mektep-ınternat pen onyń jataqhanasynda jylý tapshylyǵy oryn alǵanda kómekke keledi.

Oblysty gazdandyrýdyń óńirlik syzba-nusqasyn iske asyrý halyqtyń ómir súrý sapasyn edáýir arttyryp qana qoımaı, búkil óńirdiń áleýmettik-ekono­mıkalyq damýy úshin qolaıly jaǵdaılar jasaýǵa tıis. Jezqaz­ǵan – Ulytaý aımaǵyn gazdandyrýǵa baılanysty quıylǵan ınves­tısııanyń ıgiligin halyq kórip, sezine bastady. Bastap­qyda kópshilik gazǵa úrke qarasa, qazir keri­sinshe, «tezirek qosylsa eken» deıtin tilek basym.

Ulytaý oblysy